مسطول مسطول

موضوع: مسطول مسطول الأحد ديسمبر 19, 2010 1:06 am

مسطول مشى سوق 6 قال ليهم داير لي نقاش ... جوهو (40) نقاش قال ليهم... يلا انقشوني انا جايي من وين ؟

مسطول اشترى لاب توب جديد قعد يجرب كل الازرار الفيهو قام داس على الزر بتاع السي دي طلع ليه محل السي دي قال: انعل ابو التكنلوجيا ذاتو كمان مخلين مكان لكبايت الشاي

مسطول ماشي في الشارع شاف محل انترنيت مكتوب عليه الساعه بي جنيه دخل سألهم الساعه دي ضد المويه

مسطول : عفص ليه ضفدعه عاين ليها لقي عيونا مارقات لبره قاليها شايفك إتفاجئتي

طالب مسطول سأل استاذ الجغرافيه :يا أستاذ انتا خط الاستواء مسفلت ولا ردميه

مسطول مرتو سرحانه قال ليها بتفكرى فى ايه؟ قال له بفكر باللى بتفكر فيهو انت يازوجى العزيز.. قال ليها الله يقطع شيطانك عايزه تتزوجى علىO_o!?

مساطيل قاعدين قرب البحر قامو اتشاكلو في صندوق كبريت فاضي قام واحد قال لي التاني بشيلك بدخلك جوه الصندوق ده قام قالي ع شرط تديني الصرفه الاولي

رباطابي مسطول بيبيع في حنه جاهو مسطول تاني قال
ليهو دي حنه؟ رد عليهو الرباطابي لا ده سد مال

مسطول سايق عربيه اسعاف فيها 40 نفر بعد شوية سمع في الاذاعه توفي خمسه وتلاتين نفر نزل من العربيه قال ليهم الخمسه المستهبلين ينزلو سريع

مسطول ماشى فى الشارع ويضحك ضحك شديد لقاهو واحد قال لى بتضحك مالك قال لى بحكى لى روحى نكات لكن النكتة دى اول مرة اسمعها

واحد مسطول في قسم الشرطة صدم 15 زول بسيارة
الضابط قاليهو : دا شنو العملتو دا يازول
قال: انا كنت سايق في الشارع .. فراملي فكت وفجا ظهر لي زول قدامي، صيوان عرس علي يميني و اولاد صغار علي شمالي.
الظابط قاليهو : طيب ماكان تصدم الزول البراهو.
قال ليهو: انا زاااتي قلته كدة .. لكن هو جري دخل بيت العرس!!!

مسطول.. بتاع الحركة قال ليهو: ما رابط الحزام ليه؟ قال ليهو: 'هو أنا بالله لابس بنطلون؟

اربعه مساطيل سايقين عربيه والسطله راااابطه معاهم شديد قامو صدمو العربيه طفجوها طفيج شديد..
قالو خلاص احنا ننفخ العربيه دي من العادم..نزلو تلاته قعدو ينفخو فى العادم بخشومم...والرابع واقف بعيد بيضحك ضحك شديد...
جوهو قالو ليهو:' بتضحك مالك؟'

قاليهم:' إنتو عووره ولا شنو؟ بتنفخو في العربيه والشبابيك فاتحه؟'

مسطول مواعد ليهو واحد... شراهو مشي اشتكاهو في مكتب الحركه.
بتاع البلاغات سالو:'نمره العربيه كم؟'.
المسطول : 'ما عندو عربيه'.
بتاع البلاغات: 'طيب نمره عربيتك كم؟'.
المسطول: 'ما عندي عربيه'.
بتاع البلاغات: 'طيب جاي مكتب الحركه ليه؟'.
المسطول: 'عشان حركتو دي ما جميله'!!

مسطول عايزاه امه يساعدها بالسمبوسه قالت ليهو بتعرف تلف ؟ قال: خليكى عاقله ياحاجة!

اثنين مساطيل مارين جنب الجامعة , شافو طالب هندسة شايل ليهو مسطرة طويلة جداً ( تي سكوير )

قام المسطول سأل التاني ( لا حولا دي مسطرة شنو الطويلة دي؟ )
رد التاني : أكيد دي يكون سيف الجامعة البيقولوه دا

مسطول مشي يخطب ليهو واحده
اهلها قالوا ليهو البت(( بتقرا ))
قال خلاص مافي مشكله وقت الفسحه بنجي

سطول قال لي زميلو: أمبارح اليوم كلو بالي مشغول
رد عليهو زميلو : يمكن يكون في زول رافع السماعة

مسطول امو صحتو قالت ليو يا ولد قوم الشمس طلعت
قاليها دخليها واقفلي الباب

مسطول من جماعتك خشي المستشفي
لقي مكتوب عنبر السكري
دخل طوالي لقي العيانين قال ليهم
ويييييييييييييييين يا حلوين

واحد مسطول في مدرسه الاستاذ قال ليهم اكتبوا موضوع انشائي (تعبير ) من عشرة صفحات

فقام المسطول كتب في الصفحة الاولى ركب الرجل الحصان وفي الصفحة الاخيرة نزل الرجل من الحصان وباقي الثمانية صفحات

كتب كبجك كبجك كبجك كبجك كبجك كبجك كبجك كبجك كبجك

موضوع: رد: مسطول مسطول السبت ديسمبر 25, 2010 4:23 am

هههههههههههههههههههههههههههههههههههههههههههههههههههههههه
حلــــــــــــــــــــــوووه زادت روعآوجمـــــــــآل سلمت يداااكـ Rolling Eyes

,,,,,,أستمـــــــــــــــــــــــــر ,,,